Pont-up Store

logo pont up store pontevedra
Pont-Up Store é unha iniciativa de apoio a novos emprendedores, aberta a toda a cidadanía, e que centra os seus esforzos no incremento da cultura emprendedora da sociedade.

No marco de impulso do Campus Crea, este encontro é unha decidida aposta pola creatividade e o emprendemento para o desenvolvemento persoal da sociedade en xeral.

E quere consolidarse como espazo de referencia do novo emprendemento en Galicia.

O Pont-Up Store en 2016

O Pont-Up Store no 2015

Por que ir a Pont-Up Store?

Porque é unha experiencia única e transformadora na que se van dar cita centos de persoas ao redor da creatividade, o emprendemento, as tendencias…

Existen tres modalidades de participación, que o participante pode combinalas como queira:

  1. Dispoñer dun stand de balde durante os dous días para dar a coñecer o seu proxecto.
  2. Propoñer as súas propias actividades, que se incluirán dentro do programa do evento.
  3. Participar no apartado “10 minutos de gloria”, presentando seu proxecto en formato ‘presentación flash: 10 minutos + 10 imaxes’.

Ademais, os inscritos poden participar nun extenso programa de charlas, mesas redondas, obradoiros, networkings e demostracións, con relatores de primeiro nivel no ámbito galego que veñen a compartir as súas experiencias, o seu coñecemento e o seu tempo cos participantes. Un encontro no que o emprendedor é o protagonista.

Este é o único evento galego onde se reúnen emprendedores, profesionais, estudantes, inversores, institucións, empresas, patrocinadores e medios de comunicación, para apoiar a innovación, a colaboración, a formación, a financiación e o emprendemento creativo.

Obxectivos:

  • Facilitar aos novos emprendedores un espazo para visibilizar e promover a súa marca, os seus proxectos empresariais e a búsqueda de financiación externa.
  • Posibilitar que novos emprendedores presenten, testen e vendan os seus produtos ou servizos actuais ou contrasten ideas de mellora.
  • Proporcionar aos novos emprendedores un espazo de relación e intercambio de experiencias con diferentes axentes do ecosistema emprendedor.
  • Animar a futuros emprendedores a concretar a súa idea de negocio a través do coñecemento de proxectos e experiencias dos propios emprendedores.
  • Promover a cultura do emprendemento con novos formatos e espazos de integración entre os emprendedores e a sociedade.
  • Dinamizar a cultura e a economía local, proporcionando aos visitantes unha experiencia de lecer e aprendizaxe, nun espazo urbano de referencia internacional.

Consulta o programa de 2015 en PDF.

Descarga a memoria de Pont-Up Store (2015) en PDF.